Buyuk Britaniya hukumati Rossiya prezidenti Vladimir Putinning yaqinlari va uning atrofidagi odamlarga nisbatan yangi sanksiyalar joriy etdi. Sanksiyalarga duchor boʻlganlar orasida Putinning sobiq rafiqasi Lyudmila Ocheretnaya va sobiq sportchi Alina Kabayeva, shuningdek Kabayevaning buvisi Anna Zaseplina ham bor.

Yangi sanksiyalar “Putinning hashamatli hayotini taʼminlayotgan soyadagi tarmoq”qa yoʻnaltirilgan. Bu haqida Buyuk Britaniya Tashqi ishlar vaziri Liz Trass maʼlum qildi.

“Biz Putinning dabdabali hayotini qoʻllab-quvvatlayotgan soyadagi tarmoqni fosh qilib, nishonga olyapmiz. Biz Ukraina gʻalaba qozonguniga qadar Putin agressiyasiga yordam berayotgan va uni qoʻllab-quvvatlayotgan har bir kishiga nisbatan sanksiyalar qoʻllashda davom etamiz”, deyiladi Trass bayonotida.

• Rossiya
• mashhurlar