O‘zbekiston Oliy Majlisi Qonunchilik palatasi deputati Alisher Qodirov Rossiyada xizmat qilayotgan o‘zbekistonlik migrantlarga chet tillarini o‘rgatish evaziga boshqa davlatlarga jo‘natish haqida fikr bildirdi.

“Bizning ko‘plab migrantlarimiz Rossiya Federatsiyasida ishlaydi va ularning ko‘pchiligini yoshlarimiz tashkil qiladi. Rossiyadagi hamkasblarimiz migrantlarning ish sharoitini og‘irlashtirish uchun ko‘plab diskriminatsion qonunlar qabul qilishyapti. Rossiya bozori biz uchun qiziq bo‘lmay qoldi. Ularga boshqa chet tillarini o‘rgatishimiz va Rossiya bozoridan olib chiqishimiz kerak. Ingliz tili bilan Germaniyaga ham ketish mumkin. Agar biz bunday yondashmasak na xalqimizni kambag‘allikdan olib chiqa olamiz, na tahqirlanishni oldini ololamiz” – deydi Alisher Qodirov.

• Alisher Qodirov
• Deputat
• Migratsiya
• O‘zbekiston