Bu yil AQShning Forbes jurnali birinchi marta O‘zbekistonni dunyodagi eng boy odamlarning yillik ro‘yxatiga kiritdi. Boyligi 16,7 milliard dollarga baholangan Alisher Usmonov endi avvalgidek Rossiyadan emas, o‘zbekistonlik tadbirkor sifatida ro‘yxatga olingan.

USM Holdings asoschisi Usmonov ko‘p yillar davomida Forbes milliarderlari ro‘yxatida bo‘lib kelmoqda, bu yil uning boyligi 3,3 milliard dollarga oshib, 144-o‘rindan 125-o‘ringa ko‘tarildi.

Forbes ro‘yxatni tuzishda nafaqat fuqarolikni, balki yashash joyini ham hisobga oladi. Usmonov 2022-yildan beri Toshkentda yashaydi va bu uning ro‘yxatdagi maqomini o‘zgartirish uchun asos bo‘lishi mumkin. Shuningdek, reytingda boshqa tadbirkorlar, masalan, Dubayda yashaganligi sababli BAA vakili sifatida ko‘rsatilgan Pavel Durov bilan bog‘liq holatlar eslatib o‘tilgan.

Eslatib o‘tamiz, mart oyining o‘rtalarida Yevropa Ittifoqi biznesmen Alisher Usmonovning singlisi Gulbahor Ismoilovadan sanksiyalarni olib tashlashga rozi bo‘ldi.

• Alisher Usmonov
• Forbes
• milliarderlar