Reuters nashri xabar berishicha, Germaniyaning Frankfurt prokuraturasi milliarder Alisher Usmonovga nisbatan pul yuvish bo‘yicha tergovni to‘xtatgan.

Usmonovning advokatlarining ta’kidlashicha, ikki yarim yildan ko‘proq vaqt o‘tib, tergov unga qo‘yilgan asosiy ayblovlarni, jumladan, pul yuvish ayblarini isbotlay olmagan.

Ma’lumotlariga ko‘ra, umumiy boyligi 14,4 milliard dollarga teng bo‘lgan Usmonov boyligini tog‘-kon sanoati, sanoat, telekommunikatsiya va OAVda orttirgan.

Eslatib o‘tamiz, 2022-yilda Germaniya rasmiylari Alisher Usmonovni nafaqat pul yuvishda, balki sanksiyalarni buzganlikda va soliq to‘lashdan bo‘yin tovlaganlikda ham gumon qilgan. Unga nisbatan qator tintuvlar o‘tkazilib, 5 million yevrolik hujjatlar va 30 ta rasm musodara qilingan.

• Alisher Usmonov