Almati politsiyasi deportamenti Qozog‘istonda 5-7 yanvar kunlarida shaharga hujum qilgan jangarilardan halok bo‘lganlari dafn qilingan joyni topgan. Bu haqda Almati politsiya deportemanti boshlig‘i o‘rinbosari Rustam Abdurahmanov ma’lum qilgan. 

Avvalroq shahar politsiya deportamenti boshlig‘i Kanat Taymerdenov Alamatini professional jangarilar o‘qqa tutgani, ular ortlaridan “jasadlar va yaralanganlarni qoldirmagan”ini aytgan. Noma’lum shaxslar, shuningdek, o‘sha g‘ala-g‘ovur kunlarda o‘likxonaga ham bosqinchilik qilgan va 41 nafar shaxs jasadini o‘g‘irlagan.

“Biz ularning dafn etilgan joyni aniqladik. Keling, men shunchaki misol keltiray. Politsiya deportamentiga Masanchi ko‘chasi tomonidan hujum bo‘ldi. Bunga javoban ma’lum miqdordagi hujumchilar yo‘q qilindi. Tongda qarasak, bitta ham jasad yo‘q. Ular jasadlarni ko‘chalardan olib ketishgan. Bu nima uchun? Agar bizda jasad bo‘lsa, uning shaxsini aniqlash mumkin. Shu sababli biz tonggacha mudofaada bo‘lgunimizcha , ular jasadlarni ortib ketishgan” deydi Abdurahmanov.

Boshliq o‘rinbosari aytishicha, Almatida 151 nafar shaxs halok bo‘lgan, ularning jasadlari morgga olib borilgan. Ulardan qanchasi tinch aholi va ular nimadan halok bo‘lgan – shu borada tekshiruvlar olib borilmoqda.

Rasmiy ma’lumotlarga ko‘ra, mamlakatda tartibsizliklarda kamida 225 nafar shaxs halok bo‘lgan. Ularning 19 nafari politsiya va harbiy xodimlar. Qolgan jasadlarning bir qismi jangarilar va bosqinchilar deb aytilmoqda. Halok bo‘lganlar orasida tinch aholi vakillari qancha ekani hamon noma’lumligicha qolmoqda.

• Jahon
• Qozog‘iston