Amerikaning “Amazon” kompaniyasi dunyoning eng qimmat brendlari reytingida o‘tgan yilgi yetakchi – “Apple”ni ortda qoldirib, birinchi o‘rinni egalladi. Bu haqda Britaniyaning “Brand Finance” konsalting kompaniyasining chorshanba kuni chop etilgan tadqiqotida ma’lum qilindi.

“2022-yilda “Amazon”ning brend qiymati 15 foizga, ya’ni 350,3 milliard dollardan 299,3 milliard dollarga tushib ketganiga qaramay, yana yetakchilikni qo‘lga kiritdi”, — deyiladi hujjatda. Aniqlik kiritilishicha, “brend kuchi” ko‘rsatkichi qiymatining pasayishi 41,2 milliard dollarni tashkil etgan, korporasiya brendi “tashqi omillarning o‘zgarishi” tufayli yana 13,7 milliard dollar yo‘qotgan, biroq kompaniyaning tijorat ko‘rsatkichi ijobiy bo‘lib chiqqan va 3,9 mlrd dollarlik sof foyda yo‘qotishlarni biroz qoplagan

“Umuman olganda, “Amazon” reytingining “AAA+”dan “AAA”ga yomonlashishi va ushbu brend qiymatining pasayishi koronavirusdan keyingi davrda iste’molchilar Amerikaning “Brand Finance” kompaniyasining mijozlarga xizmat ko‘rsatishini yanada tanqidiy baholay boshlagani bilan bog‘liq”, – deydi mutaxassislar.

Bundan tashqari, kompaniya buyurtma qilingan mahsulotlarni yetkazib berish muddatini oshirgan. Xabarda qayd etilishicha, bu chakana sotuvchi mijozlarning o‘z xizmatlarini boshqa odamlarga tavsiya etish istagining pasayishiga olib kelgan. Qo‘shimchasiga, dunyoda koronavirus cheklovlarining olib tashlanishi oflayn xaridlarning mashhurligini tiklashga olib kelgan, bu ham Amazon xizmatlariga talabning biroz pasayishiga olib keldi.

“Brand Finance” tahlilchilari, shuningdek, “iPhone” seriyali smartfonlari va iOS operasion tizimida ishlovchi boshqa qurilmalari bilan mashhur bo‘lgan o‘tgan yilgi yetakchi “Apple” kompaniyasining brend qiymati hisobot davrida 16 foizga, ya’ni 355,1 dan 297,6 milliard dollarga kamayganiga ham aniqlik kiritgan. Amerika korporasiyasi reytingda faqat ikkinchi o‘rinni egallay oldi. Bunga kompaniyaning yetkazib berish zanjiri uzilishi va mehnat bozoridagi taqchillik bilan bog‘liq prognoz qilingan daromadining kamayishi sabab bo‘ldi, bu britaniyalik ekspertlarning fikricha, “Apple”ning asosiy apparat mahsulotlarini chiqarish imkoniyatini cheklaydi.

Kuchli beshlikning qolgan yetakchilari “Google” (281,4 milliard dollar), to‘rtinchi o‘rin “Microsoft” (191,6 milliard dollar), beshinchi o‘rinda “Walmart” (113,8 milliard dollar), bu kompaniyalarning barchasi reytingda o‘z o‘rnida qoldi. Umuman olganda, “Twitter” va “Snapchat” ro‘yxatdan chiqarilgandan so‘ng “Brand Finance Global 500” ro‘yxatida mavjud texnologik kompaniyalar soni 50 tadan 48 taga kamaydi.

“Brand Finance” metodologiyasiga ko‘ra, “brend kuchi” marketing, o‘z kapitali va biznes samaradorligiga investisiyalarni baholashni o‘z ichiga olgan muvozanatli ko‘rsatkichlar kartasi yordamida hisoblanadi.

• Amazon
• Apple
• Brend
• Google