Donald Trampning ta’kidlashicha, Moskva Ukrainadagi mojaroni to‘xtashini istamayapti va aynan shu sababdan Budapeshtda Vladimir Putin bilan o‘tkazilishi rejalashtirilgan sammit bekor qilingan. AQSh prezidenti bu haqda Oq uyda Vengriya bosh vaziri Viktor Orban bilan uchrashuvi chog‘ida aytib o‘tdi.

“Mojaroning mohiyati shunda, rossiyaliklar shunchaki to‘xtamoqchi emas. Menimcha, ular baribir to‘xtaydi, chunki bu urush Rossiyaga juda qimmatga tushyapti”, — deydi Qo‘shma Shtatlar rahbari.

Jurnalistlarning kelajakda Putin bilan uchrashuv o‘tkazilishi ehtimoli haqida savoliga, Tramp “Buning uchun imkoniyat har doim bor”, deb javob berdi.

Shuningdek, Tramp bu urush yakuniga yaqinlashayotganini, ammo Ukrainaning g‘alabasi uchun “mo‘jiza kerak bo‘lishini” aytdi.

• Intervyu
• Rossiya
• Tramp
• Ukraina
• Urush