Afg‘oniston shimolida 3-noyabr kuni 6,3 magnitudali kuchli zilzila sodir bo‘ldi. Bu haqda AQSh geologiya xizmati xabar berdi.

Ma’lum qilinishicha, yer silkinishlari 28 kilometr chuqurlikda, Mozori Sharif shahri yaqinida sodir bo‘lgan. Zilzila Samangon, Balx viloyatlari, shuningdek, Kobulda ham qayd etilgan. Asosan Oybek, Mozori Sharif, Maymana, Tohar, Qunduz va Sarpul shaharlarida kuchli sezilgan.

Zilzila kuchliligidan, uning tebranishlari Turkmaniston, Tojikiston, O‘zbekiston, Qirg‘iziston, Pokiston, Eron va hatto Hindistonning ayrim hududlarida ham sezilgan.

Afg‘oniston rasmiylari bergan ma’lumotlarga ko‘ra, zilzila oqibatida kamida sakkiz kishi halok bo‘lgan va 150 kishi jarohat olgan. Qurbonlar va jarohatlanganlar soni ortishi mumkin.

• Afg‘oniston
• Zilzila