Amerikaning iste’fodagi generallari – Pol Iton, Antonio Taguba, Stiven Anderson 2024-yilgi prezident saylovidan so‘ng AQShda fuqarolik urushi bo‘lishi mumkinligini aytishdi. Ularning so‘zini The Washington Post keltirmoqda.

Mutaxassislarning aytishicha, AQSh armiyasida hozirda potensial tartibsizliklar mavjud, siyosiy tarafkashlik esa armiyani bir-biriga qarshi qurol ko‘targan ikki alohida lagerga ajratib tashlashi mumkin. “Bunday ssenariydan so‘ng, harbiy krizis oqibatida fuqarolik urushi kelib chiqdi, deyish g‘alati eshitmasligi tabiiy” – deyishgan iste’fodagi zobitlar.

Nashrning suhbatdoshlari armiyani Konstitutsiya va fuqaro saylov jarayoniga sodiqlik borasida qaytadan tekshiruvdan o‘tkazish lozimligini ta’kidlashgan. Shu bilan bir qatorda, generallar ehtimoliy isyonlarga qarshi mashg‘ulotlarni ko‘paytirishni maslahat berganlar.  

• AQSh