“Qirollik klubi” rahbari La Ligada Ronaldu Messi davrini qoʻmsagan koʻrinadi.

“Real Madrid” prezidenti Florentino Peres hujumchi Erling Xolandning “Borussiya Dortmund”dan “Barselona”ga oʻtishi mumkin boʻlgan variantlarni koʻrmoqda, deb xabar beradi ESPN jurnalisti Xorxe Ramos.

Manbaning maʼlum qilishicha, “Real Madrid” prezidenti Xolandning “Barsa”da boʻlishini istamoqda.

Peresning fikricha, Erlingning Kataloniya klubi safida boʻlishi yozda “Real”ga oʻtishi kerak boʻlgan hujumchi Kilian Mbappe bilan raqobat yuzaga keltirishi va bu Lionel Messi va Krishtianu Ronaldu oʻrtasidagi raqobatning yangi koʻrinishi boʻladi.

Oʻz navbatida Madrid klubi prezidenti buni tijoriy jihatdan foyda olish manbai deb hisoblaydi.

• Futbol
• Xorij