Kecha “Real Madrid” Chempionlar ligasi guruh bosqich 5-turi doirasida Moldovaning “Sherif” klubi bilan bahs olib bordi dastlabki o‘yindagi mag‘lubiyat uchun qasos oldi.
Shu tariqa madridliklar Chempionlar ligasi pley-off bosqichiga yo‘llanmani kafolatladi. Jamoa bosh murabbiyi Karlo Anchelotti shogirdlarining muvaffaqiyati haqida fikr bildirdi.
“Hozir biz allaqachon kelgusi rejalar haqida o‘ylamoqdamiz. Birinchi navbatda, biz “Inter” bilan o‘ynashimiz kerak. “Real Madrid” uchun guruhda birinchi o‘rinni egallash juda muhim.
Biz to‘g‘ri yo‘ldamiz, futbolchilardan mamnunman. Ular o‘z vazifalarini to‘laqonli bajaryaptilar, jismoniy holat ham yomon emas. Ko‘ramiz, bundan keyingi natijalar qanday bo‘lar ekan?!”, - deya murabbiyning so‘zlaridan iqtibos keltiradi Mundo Deportivo nashri.
Eslatib o‘tamiz, o‘tgan mavsumda “qaymoqranglilar” yarim finalga qadar yetib borgan va unda bo‘lajak chempion “Chelsi”ga imkoniyatni boy bergan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!