Andijon davlat chet tillari instituti tashkil etiladi. Bu borada Prezidentning tegishli qarori loyihasi jamoatchilik muhokamasiga qo‘yildi.
Unga ko‘ra, mazkur institut 2022/2023 o‘quv yilidan boshlab talabalarni qabul qiladi. Prezident qarori loyihasiga ko‘ra, ushbu oliy ta’lim muassasasi chet tillarni mukammal egallagan kadrlarni tayyorlaydi.
Shuningdek, Oliy va o‘rta maxsus ta’lim vazirligiga 2024 yilga qadar xorijiy oliy ta’lim muassasalarida faoliyat yuritayotgan 10 nafar chet tili o‘qituvchilarini Institut o‘quv jarayoniga jalb etish vazifasi yuklangan.
Mazkur institut uchun ikki oy muddat ichida Andijon viloyati hokimligi bino ajratishi rejalashtirilgan.

• Andijon
• Ta'lim