Andijon viloyati hokimi Shuhrat Abdurahmonov Bahodirlar o‘yinlarining Osiyo federatsiyasi prezidenti etib saylandi. Bu haqda viloyat hokimining matbuot xizmati xabar berdi.

Xonobod shahrida tashkil etilgan “Etno strongman games” (Bahodirlar o‘yini) bo‘yicha jahon kubogi va tosh ko‘tarishda jahon chempionati doirasida Osiyo Bahodirlar o‘yinlari va tosh ko‘tarish federatsiyasining ta’sis konferensiyasi o‘tkazildi.

Bungacha Osiyo mintaqasida sportning mazkur yo‘nalishi bo‘yicha federatsiya mavjud bo‘lmay kelgan. Osiyoning qator davlatlaridagi ushbu sport yo‘nalishi vakillari va sportchilar ishtirok etgan ta’sis konferensiyasida Andijon viloyati hokimi Shuhratbek Abdurahmonov Osiyo Bahodirlar o‘yinlari va tosh ko‘tarish federatsiyasining prezidenti etib saylandi.

• Andijon
• O‘zbekiston