Bosh prokuratura huzuridagi Departamentning Baliqchi tumani bo‘limi va boshqa huquqni muhofaza qiluvchi organlar xodimlari hamkorligida Farmatsevtika mahsulotlari xavfsizligi markazi mutaxassislari bilan o‘tkazilgan tezkor tadbirda fuqaro B.M. va boshqalar o‘zaro til biriktirib, kelib chiqishi va sifatini tasdiqlovchi hujjatlari bo‘lmagan 33 turdagi dori vositalarini “M-F.” va “P.m.” MCHJlarga qarashli dorixonalarga o‘tkazish uchun olib kelgan vaqtida ushlanib, tadbir jarayonida jami 83 turdagi umumiy bahosi 371,6 mln so‘mlik tegishli hujjatlari bo‘lmagan dori vositalari ashyoviy dalil sifatida olingan. Bu haqda  O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti xabar berdi.

Mazkur holatlar yuzasidan Jinoyat kodeksining 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.

• Andijon
• Bosh prokuratura
• Dori