Andijon viloyatining sobiq hokimi Saydullo Begaliyev 17-dekabr kuni 67 yoshida vafot etdi. U 1954-yilda Oltinko‘l tumanida tug‘ilgan.

1979-yilda Farg‘ona politexnika institutini tamomlab, Oltinko‘l tumanidagi qurilish tashkilotlarida turli vazifalarda, tuman ijroiya qo‘mitasi raisining qurilish ishlari bo‘yicha o‘rinbosari hamda Andijon viloyati qishloq xo‘jaligi boshqarmasi boshlig‘ining qurilish bo‘yicha o‘rinbosari lavozimlarida ishlagan.

1993-yildan 2001-yilgacha Izboskan tumani hokimi, 2001–2003-yillarda qishloq va suv xo‘jaligi vazirining birinchi o‘rinbosari, 2003-yilda Toshkent viloyati hokimi o‘rinbosari, 2003–2004-yillarda qishloq va suv xo‘jaligi vaziri vazifalarida ishlagan.

Saydullo Begaliyev 2004-yilning 25-mayidan 2006-yilning 13-oktyabr kuniga  qadar Andijon viloyatini boshqargan.   

• Andijon
• Taʼziya