Inspektorlar tomonidan 724 ta holatda yer maydoni oʻzboshimchalik bilan egallab olinish holati aniqlangan.

Kadastr agentligi Andijon viloyati boshqarmasining “Yer va kadastr nazorati” boʻlimi tomonidan yer maydonlarini oʻzboshimchalik bilan egallab olish holatlarini aniqlash va bartaraf etish boʻyicha tizimli ishlar amalga oshirib kelinmoqda.

Jumladan, hisobot kuniga qadar viloyatda faoliyat olib borayotgan inspektorlar tomonidan 724 ta holatda 106,2 gektar yer maydoni oʻzboshimchalik bilan egallab olinganligi aniqlangan.

Yuqoridagi maydonlarning 180 ta holatdagi 11,53 gektari joyida bartaraf etilishi taʼminlangan.

Maʼlum qilinishicha, Prezidentining tegishli Farmoni ijrosi boʻyicha oʻzboshimchalik bilan egallab olingan yer maydonlariga qurilgan imoratlarni bartaraf etish yuzasidan 93 ta holatda tegishli sud organlariga davo arizalari kiritilgan.

• Andijon
• Yer-kadastr