IIVning xabar qilishicha, 28-aprel kuni soat 19:30 larda fuqarolar X.Sh, O.X, M.O, va X.Sh.lar oʻzganing mulkini qoʻlga kiritish maqsadida Telegram messenjeri orqali Qashqadaryo viloyati fuqarosi Gʻ.S.ning ishonchiga kirib, unga bugʻdoy sotish bilan shugʻullanishlarini aytishadi. Bug‘doyning har bir kilogramini 4 330 soʻmdan sotishga kelishadilar.

Shundan soʻng fuqaro Gʻ.Sning Qashqadaryo viloyatidan yuborgan yuk mashinasi haydovchisi S.M.ni Andijon viloyati Ulugʻnor tumani oʻramidan oʻtgan Baliqchi-Ulugʻnor transport qatnov yoʻlida kutib olib, haydovchini iftorlik qilib kelishini aytgan holda chalgʻitib olib ketishadi. Fursatdan foydalanib haydovchi qoldirgan yuk avtomobiliga bugʻdoy oʻrniga 8 tonna miqdoridagi qum mahsulotini ortishib S.M.dan 38 million 500 ming soʻm pul mablagʻlarini olishadi. Mazkur pullarni oʻzlarining shaxsiy ehtiyojlari uchun sarflab yuborishadi.

Mazkur holat yuzasidan Jinoyat Kodeksining 168-moddasi 2-qismi “b” bandi jinoyat ishi qoʻzgʻatilib, tergov harakatlari olib borilmoqda.

• Andijon
• Firibgarlik
• IIV
• Qashqadaryo