Ijtimoiy tarmoqlarda Oltinko‘l tumanida yashovchi fuqaro turmush o‘rtog‘ini o‘ldirganligi haqida xabarlar tarqaldi. Mazkur holat yuzasidan Andijon viloyati prokuraturasi munosabat bildirdi. 

Aniqlanishicha, joriy yil 5-fevral kuni fuqaro S.M. shaʼriy nikohidagi turmush o‘rtog‘i J.M. bilan o‘zaro janjal oqibatida S.M. xo‘jalik pichog‘i bilan J.M.ni qasddan o‘ldirgan.

Mazkur holat yuzasidan Oltinko‘l tumani prokuraturasi tomonidan S.M.ga nisbatan Jinoyat kodeksining 97-moddasi 1-qismi bilan jinoyat ishi qo‘zg‘atilgan va S.M. protsessual tartibda ushlanib, “qamoqqa olish” ehtiyot chorasi qo‘llanilgan.

“Jinoyat ishi bo‘yicha olib borilayotgan tergov harakatlari alohida nazoratga olingan, tergov harakatlari davomida ishga oid barcha holatlar tekshirilib, qonuniy qaror qabul qilinishi taʼminlanadi”, – deyiladi xabarda.

• Andijon
• Pichoq
• Prokuratura