Andijon viloyati IIB JQB xodimlari “gashish” sotish bilan shugʻullanayotgan bir nechta fuqarolarni qoʻlga oldilar. Masʼul xodimlar tomonidan oʻtkazilgan tezkor tadbirlar natijasida Andijon shahrida yashovchi 1971 yilda tugʻilgan erkak fuqaro xolis xaridorga 6,43 gramm “gashish” giyohvandlik moddasini 500 000 soʻm evaziga sotayotgani aniqlangan va tegishli tartibda ushlangan. Fuqaro egnidagi shim choʻntagidan ham 6,37 gramm miqdorda “gashish” topilgan.

Xuddi shunday holat Andijon shahrining boshqa hududida ham qayd etilgan. Oltinkoʻl tumanida yashovchi 1992 yilda tugʻilgan fuqaro xolis xaridorga 0,76 gramm “gashish” giyohvand moddasini 125 000 soʻm evaziga sotayotgan vaqtda qoʻlga olingan.

Mazkur holatlar yuzasidan Andijon shahar IIO FMB tomonidan tergovga qadar surishtiruv ishlari olib borilmoqda.

• Andijon
• IIB
• Xabardor.uz