Andijon viloyati hokimi Shuhrat Abdurahmanovning farmoyishi bilan “Hokim yordamchi”larining kiyimi uchun 855 million so‘m ajratilgan.

Andijon viloyati hokimining tegishli qarorlari bilan:

Qayd etilishicha, viloyat budjetining zaxira jamg‘armasi mablag‘lari hisobidan, viloyat ko‘p tarmoqli tibbiyot markaziga — 970 500 (to‘qqiz yuz yetmish million besh yuz) ming so‘m miqdorida mablag‘lar ajratilgan.

Shuningdek, viloyat mahalliy budjeti daromadlar rejasining 2021-yil 3-chorak yakuni bo‘yicha orttirib bajarilgan qismi hisobidan — viloyat mahalla va oilani qo‘llab-quvvatlash boshqarmasiga “Hokim yordamchi”larining formasi uchun 855 (sakkiz yuz ellik besh) million so‘m, viloyat hokimligi ishlar boshqarmasiga viloyat hokimligi moddiy texnika bazasini mustahkamlash uchun 130 (bir yuz o‘ttiz) million so‘m, jami 985 (to‘qqiz yuz sakson besh) million so‘m miqdorida mablag‘lar ajratilgan.

• Andijon
• hokim