Andijon viloyati Ulug‘nor tumanida hamshiralarning pulini qo‘lga kiritgan koordinator aniqlandi. Bu haqda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti xabar berdi.

Bosh prokuratura huzuridagi Departamentning Ulug‘nor tuman bo‘limi tomonidan o‘tkazilgan tergovga qadar tekshiruvda, tuman tibbiyot birlashmasi koordinatori N.E. joriy yilning noyabr oyida birlashmaga qarashli oilaviy poliklinika va oilaviy shifokorlik punktlarining 9 nafar xodimining ko‘rsatkich reyting ballari pastlab ketganligi, ularning reyting ballarini viloyat sog‘liqni saqlash boshqarmasi orqali ko‘tarib berish evaziga jami 11,4 mln so‘mini firibgarlik yo‘li bilan qo‘lga kiritganligi aniqlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.

• Andijon
• Bosh prokuratura
• Departament
• Firibgarlik