Ijtimoiy tarmoqlarda Andijonda 7-sinf o‘quvchisi o‘qituvchini tepib, uni haqorat qilgani aks etgan video tarqaldi. Viloyat IIB axborot xizmati holat yuzasidan izoh berdi.

Qayd etilishicha, hodisa Ulug‘nor tumani, Mingchinor MFY hududida joylashgan 17-sonli umumta’lim maktabida sodir bo‘lgan.

Lavhadan ma’lum bo‘lishicha, o‘quvchi qiz darsga xalaqit berishi natijasida dahanaki janjal kelib chiqqan. Bir nechta o‘qituvchilar qarshiligiga qaramasdan qiz nomaqbul so‘zlar ishlatib, ustoziga tashlangan va uni bir marta tepgan.

“Mazkur holat bo‘yicha surishtiruv ishlari olib borilmoqda. Vaziyatga to‘laligicha oydinlik kiritilib, huquqiy baho berilishi ta’minlanadi”, – deyiladi viloyat IIB xabarida.

• Andijon
• Janjal
• O‘qituvchi
• O‘quvchi