Angren issiqlik elektr stansiyasi tomonidan yiliga 1 milliard 300 million kilovatt-soat elektr energiyasi hamda 420 ming Gkal issiqlik energiyasi ishlab chiqariladi.

Energetika vazirligi Matbuot xizmatiga ko‘ra, ushbu ishlab chiqarilgan elektr va issiqlik energiyasi Angren shahri va uning atrofidagi hududlarning elektr energiyasiga bo‘lgan talabini 100 foiz qoplaydi.

Ushbu stansiya elektr va issiqlik energiyasini ishlab chiqarishda 4 ta turboagregat, 5 ta qozon agregati va 1 ta yangi energoblokdan foydalaniladi. Stansiyaning umumiy o‘rnatilgan quvvati 393 megavattni tashkil qilib, 1957-1963-yillarda eski qurilmalar va 2016 yilda quvvati 150 megavatt bo‘lgan yangi energoblok foydalanishga topshirilgan.

Shuningdek, Angren IESda har birining quvvati 300 megavattdan bo‘lgan 2 ta, ko‘mir yoqilg‘isida ishlaydigan yangi, zamonaviy energobloklar qurilishi rejalashtirilgan bo‘lib, ular 2024-2025-yillarda ishga tushiriladi. 

Ma’lumot uchun, bugungi kunda Angren shahri va uning atrofidagi hududlarning elektr energiyaga bo‘lgan talabi 575 million kilovatt-soatni tashkil etadi.

• Elektr energiyasi
• Energetika_vazirligi