FVV Toshkent viloyati Angren shahridagi “Angren ko‘mir koni” hududida sodir bo‘lgan holat yuzasidan ma’lumot berdi.

Joriy yil 19-dekabr kuni soat 05:03da Toshkent viloyati Angren shahrida joylashgan “O‘zbekko‘mir” AJga qarashli “Angren ko‘mir koni” hududidagi temir yo‘lda ikkita sostav bir-biriga urilib ketgan.

FVVning holat yuzasidan bergan ma’lumotiga ko‘ra, 010-sonli lokomotiv sostav elektrovozning siqilgan havosiz qolishi oqibatida, boshqaruvsiz harakatlangan va 1-yo‘lda harakatlanib ketayotgan 017-sonli lokomotiv sostaviga urilgan. Natijada jami 33 ta yuk vagonidan 20 ta vagon (010-sonli lokomotiv sostavidan 14 ta ko‘mir ortilgan yuk vagon va 017-sonli lokomotiv sostavidan 6 ta bo‘sh yuk vagoni) temir yo‘li izidan chiqib, ag‘darilgan.

Hodisa oqibatida 010-sonli lokomotiv sostavi mashinisti va uning yordamchisi yengil tan jarohati olgan. Ular “Temir yo‘l transporti” filiali huddudidagi Tibbiy yordam punktiga olib borilib, tibbiy yordam ko‘rsatilgan va Angren shahar shifoxonasiga yuborilgan.

Mazkur holat oqibatlarini barataraf etish maqsadida voqea joyiga “O‘zbekko‘mir” AJ tasarrufidagi “Temir yo‘l transport” filialidan 2ta yuk krani, 2 ta pogruzchik va 50 nafar ishchi-xodimlar jalb etilgan.

Sodir bo‘lgan holat yuzasidan dastlabki tergovoldi surishtiruv ishlari olib borilmoqda.

• FVV
• Poyezd
• Toshkent