2-dekabr kuni soat taxminan 15:00 lar atrofida Toshkent viloyati Angren shahar Dukent qo‘rg‘onida yashovchi 1983-yilda tug‘ilgan 4 nafar farzandning otasi o‘zini otib qo‘ygan.

Ma’lum bo‘lishicha, u 2017-yildan buyon Ovchilik birlashmasiga qonuniy a’zo hisoblangan. Vaqtincha ishsiz bo‘lgan fuqaro o‘z uyida, o‘ziga tegishli bo‘lgan ov quroldan chap ko‘kragiga taqab 1 marotaba o‘q uzib, joniga qasd qilgan va voqea joyida vafot etgan.

Hodisa joyiga Angren shahar IIB boshlig‘i, Angren shahar prokurori va bir necha xodimlar yetib borib, vaziyatni o‘rganishgan.

Ushbu holat yuzasidan surishtiruv ishlari davomida fuqaro Nazarov Behzod Jumaqulovich so‘nggi paytlarda Angren shahar Dorilfunun Mahalla fuqarolar yig‘ini hokim yordamchisi lavozimida ishlab, ishdan bo‘shaganligi aniqlangan.

Shuningdek, uning otasi vafot etganiga ko‘p bo‘lmaganligi sababli tushkun kayfiyatda yurganligi ma’lum bo‘lgan.

Surishtiruv ishlari davom etmoqda.

• Bosh prokuratura
• IIB
• Toshkent viloyati