“Anonymus” xakerlar guruhi Rossiya fuqaro aviatsiyasi ma’muriyati serverlariga buzib kirdi. Bu haqda guruh Twitter sahifasida ma’lum qilingan.

Qayd etilishicha, “Anonymus” Rossiya Federatsiyasiga tegishli 65 terabayt ma’lumotni  o‘chirib tashlagan.

Ta’kidlanishicha, Federal havo transporti agentligida ma’lumotlarning zaxira nusxasi mavjud bo‘lmagan.

Eslatib o‘tish mumkin, “Anonymous” xakerlari bir necha hafta avval Rossiya Prezidenti Vladimir Putinga qarshi urush ochganini ma’lum qilgan.

Xakerlarning so‘zlariga ko‘ra, ular allaqachon Rossiya Mudofaa vazirligi mansabdor shaxslarining elektron pochta manzillari va parollarini buzib, ommaga oshkor qilgan va endi RF prezidenti va sheriklarining barcha “kirdikorlarni” shaxsan oshkor etish niyatida ekanini aytib, Putinning iste’fosini talab qilgan edi.

• Anonymus
• Rossiya
• aviatsiya
• xaker