“Inter” sobiq futbolchisi Antonio Kassano Milan klubi “Chelsi”ning belgiyalik hujumchisi Romelu Lukakuni qaytarishi kerak deb oʻylamasligini aytdi.

“Agar “Inter”ning oʻrnida boʻlganimda, uni qaytarmasdim. Ketish chogʻida u oʻzining orzusidagi klubiga oʻtayotganini va u yerda 15 million yevro ishlab topishini aytdi.

Biroq u hozirda Londonda baxtli emas va Italiyaga qaytishni istamoqda. “Inter” uchun muammo shundaki, belgiyalik futbolchi qaytib kelgach, Lautaro Martinesni sotishga majbur boʻladi.

Albatta, agar Lukaku har bir oʻyinda ikkitadan gol ursa, bu yaxshi, ammo aks holda vaziyat nihoyatda ogʻir koʻrinadi. Romelu bu haqda oʻylashi kerak. Ayni damda u “Chelsi”da qoladi deb oʻylayman”, — deydi Kassano.

Maʼlumot oʻrnida, Romelu Lukaku oʻtgan mavsum “Chelsi” safida barcha turnirlar doirasida 44 ta oʻyinda maydonga tushib, 15 ta gol urdi va 2 ta golga assistentlik qildi.

• Fikr
• Futbol
• Xorij