Jurnalistika va ommaviy kommunikatsiyalar universititeti agentlik tarkibiga o‘tkaziladi.

O‘zbekistonda Axborot va ommaviy kommunikatsiyalar agentligining faoliyati xalqaro tashkilotlarning so‘z va matbuot erkinligi sohasidagi tavsiyalari asosida qayta tashkil etiladi. Bu haqida 2022-2026 yillarga mo‘ljallangan Taraqqiyot strategiyasi loyihasida qayd etilgan.

Ma’lum qilinishicha, AOKA boshqa davlat organlari va tashkilotlardan mustaqil hamda Oliy Majlis palatalari oldida hisobdor shaklda qayta tashkil etiladi. Tashkilot mavjud shtat birliklari va mehnatga haq to‘lash shartlari va miqdorini saqlab qoladi.

Davlat organlari va tashkilotlari faoliyatining ochiqligi, shuningdek, matbuot kotiblari faoliyati samaradorligi reytingi tuzilishi aytilmoqda. Bu orqali sohada yuqori natijalarga erishgan tashkilotlar matbuot kotiblarini rag‘batlantirish tizimi yo‘lga qo‘yiladi.

Bundan tashqari, loyihada axborot sohasini tartibga soluvchi yagona tizimlashtirilgan normativ-huquqiy hujjat loyihasini ishlab chiqish rejalashtirilgan. Bunda zamon talablari asosida axborot sohasidagi qonunchilikni takomillashtirish nazarda tutilgan. Qolaversa, sohani tartibga solishga qaratilgan qonunlar Axborot kodeksi shaklida unifikatsiya qilinadi.

• Jurnalistika