APLda yakuniga yetgan oktyabr oyining eng yaxshi futbolchisi hamda murabbiyi aniqlandi.

Unga ko‘ra, “Liverpul” hujumchisi Muhammad Salah o‘tgan oy qahramoni deb topildi.  Misrlik futbolchi bu vaqt mobaynida mersisaydliklar tarkibida 4 ta oʻyinda maydonga tushib, 5 gol urdi hamda 4 golli uzatmani amalga oshirdi.

Shuningdek, ushbu sovringa Salahdan tashqari Fil Foden (“Man Siti”), Ben Chiluell (“Chelsi”), Maksvell Korne (“Bernli”), Deklan Rays (“Vest Xem”), Yuri Tilemans (“Lester”), Aaron Remsdeyl (“Arsenal”) va Valentino Livramento (“Sautgempton”) daʼvogarlik qilishdi.

Eng yaxshi murabbiy sovrini esa “Chelsi” ustozi Tomas Tuxelga nasib etdi. Oʻtgan oy germaniyalik mutaxassis qoʻl ostidagi “aristokratlar” 4 uchrashuvda 4 gʻalabaga erishdi.

Shuningdek, sovringa Tuxeldan tashqari Yurgen Klopp (“Liverpul”), Devid Moyes (“Vest Xem”) hamda Patrik Viyeyra (“Kristal Pelas”) daʼvogarlik qilishdi.

• APL
• Futbol