Apple kompaniyasi o‘z mahsulotlari egalariga gadjetlarini o‘zlari tuzatishlari uchun imkoniyat yaratmoqchi. Bu haqda kompaniya internet do‘konida press-reliz berilgan bo‘lib, unda yaqin kunlarda internet do‘konida Apple gadjetlarining original ehtiyot qismlari savdosi yo‘lga qo‘yilishi xabar qilingan.

Original ehtiyot qismlar qatori, internet do‘kon gadjetni qanday tuzatish yuzasidan yo‘riqnoma ham beradi. Eslatib o‘tamiz, bungacha kompaniyaning original ehtiyot qismlari faqat ro‘yxatdan o‘tgan servis markazlariga berilar edi.

Ushbu imkoniyat 2022-yildan AQSHda yo‘lga qo‘yiladi. Kompaniya shundan so‘ng boshqa mamlakatlarda ham bu servisni ishga tushirishni rejalashtirgan. Avvaliga iPhone 12 va iPhone 13 gadjetlarining ekrani, kamera va akkumulyatorlari ehtiyot qismlari savdoga chiqarilishi ma’lum qilindi.

Avvalroq Apple kompaniyasining iPhone 13 smartfonini yetkazib berishda muammo bo‘layotgani haqida xabarni bergan edik.

• Apple
• texnologiya