Apple Nyu-Yorkdagi barcha 12 ta do‘konini koronavirus bilan kasallanish holatlari ko‘payganligi sababli yopgan.

“Biz vaziyatni muntazam ravishda kuzatib boramiz va shunga qarab sog‘liqni saqlash choralari va do‘konlarda ko‘rsatiladigan xizmatlarni o‘zgartiramiz. Biz mijozlarimiz va xodimlarimiz salomatligi haqida shunday qayg‘uramiz”, - deyiladi Apple bayonotida.

Kompaniya vakilining so‘zlariga ko‘ra, ushbu do‘konlarda xaridorlar faqat onlayn buyurtmalar olishi mumkin bo‘ladi. Apple, shuningdek, barcha mijozlari va xodimlariga do‘konlarda niqob taqishni majburiy qilgan.

Ma’lumot o‘rnida, 2020-yilning mart oyida koronavirus tufayli kompaniya o‘zining brend do‘konlarini ikki haftaga yopgandi.

Avvalroq Apple’ning Hindistondagi zavodi iPhone ishlab chiqarishni to‘xtatgani xabar qilingan edi. 

• Apple
• texnologiya