Xitoyda o‘tgan Double 11 arzonlashtirilgan smartfonlar savdosida iPhone 13 talash bo‘ldi. Natijada Apple 24,7 foiz bilan Xitoy smartfonlar bozoridagi eng katta ulushga ega bo‘ldi. Kompaniya 1,7 mln  dona smartfon sotdi.

Ikkinchi o‘rinni Xitoy kompaniyasi bo‘lmish Xiaomi egalladi. Kompaniya bir hafta ichida 1 mln 277 dona smartfon pullagan. Xiaomi'dan boshqa bironta Xitoy kompaniyasi o‘tgan ikki hafta davomida milliontadan oshiq smartfon sota olmadi.

Double 11 davomida Xiaomi'ning savdo hajmi 3 mlrd AQSH dollaridan oshdi, bu o‘tgan yilgi xuddi shu davrga nisbatan 35 foiz ko‘p degani. Kompaniya 300 mln AQSH dollari miqdorida narxlarini arzonlashtirgan. Redmi Note 11 smartfoni esa milliontadan oshiq sotilib, savdo rekordini qo‘ydi.

• Apple
• Xitoy
• texnologiya