Apple xodimlari Yangi yil bayrami arafasida ish tashlashni rejalashtirgan va mijozlardan Apple do‘konlaridan hech narsa xarid qilmaslikni so‘ragan.
Shuningdek, guruh faollari tarmoqqa yaxshi mehnat sharoitlari, to‘lanadigan ta’tillar, bevosita iste’molchi bilan ishlaydigan xodimlarni yaxshiroq himoya qilish va munosib sog‘liqni saqlash huquqlari talab etilgan plakatlarni joylashtirgan.
Bundan tashqari, kompaniya xodimlari mijozlarni Apple Store’dan xarid qilmaslikka chaqirgan. Ularning fikriga ko‘ra, kompaniya do‘konidagi trafikning keskin kamayishi bayram yoki bayramlar arafasida ish smenalarini bekor qilishga undashi mumkin.
Ma’lum bo‘lishicha, Apple korporativ xodimlarining aksariyati Yangi yilda dam olish kunlarini o‘tkazadi. Biroq, AppleCare’ning chakana savdo va qo‘llab-quvvatlash xizmati xodimlari odatiy usulda ishlashga majbur. Kompaniya veb-saytiga ko‘ra, AQShdagi aksariyat Apple do‘konlari Yangi yil arafasida soat 18:00 gacha ochiq va bayram kunlari yopiladi.
Apple Together shuningdek, ish tashlash kuni erta ketgan barcha ishchilar notijorat birdamlik fondi Coworker orqali 500 AQSh dollar olish uchun ariza topshirishi mumkinligini qayd etgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!