AQSh hukumati bir necha tekshiruvlardan so‘ng BAA bilan F-35 qiruvchi samolyotlari va uchuvchisiz qurilmalarni sotish borasida shartnomalar tuzish borasida ijobiy xulosaga kelgan. Bu haqda AQSh davlat kotib Entoni Blinken ma’lum qildi.

"Biz, masalan, Isroilning qurol-aslaha borasidagi ustunligini asrash majburiyatini bajarayotganimizga amin bo‘lishimiz kerak edi. Shu bois biz ushbu regionda sheriklarimizga, xususan BAAga ham, sotayotgan va berayotgan har qanday texnologik qurilmamizni obdon tekshirish imkoniga ega bo‘lishni istagandik" – deydi AQSh davlat kotibi.

Uning qayd etishicha, BAA hali ham o‘z fikrida bo‘lsa, AQSh tomoni olg‘a borish niyatida.

Avvalroq AQSh harbiy razvedkasi BAA hududida Xitoyning allaqanday harbiy bazasi qurilayotganini iddao qilgandi. Shundan so‘ng tomonlar o‘rtasidagi harbiy texnika oldi-berdisi bo‘yicha muzokaralar savol ostida qolgandi.

• AQSh
• Abu-Dabi
• Harbiy
• dron
• texnologiya