AQSh bu hafta Ukrainaga yana bir yordam paketini taqdim etishini e’lon qiladi.

Dushanba kuni Oq uy matbuot kotibi Karin Jan-Pyer Ukrainani xalqaro qo‘llab-quvvatlash uzoq davom etishini va AQSh tez orada Kiyevga yangi yordam paketini e'lon qilishini aytdi.

Rossiya avvalroq NATO mamlakatlariga Ukrainaga qurol-yarog‘ yetkazib berilganligi sababli nota yuborgan edi. Rossiya TIV rahbari Sergey Lavrov Ukraina uchun qurol-yarog‘ni o‘z ichiga olgan har qanday yuk Rossiya uchun qonuniy maqsadga aylanishini ta'kidlagandi. Rossiya federatsiyasi tashqi siyosati idorasi NATO mamlakatlari Ukrainaga qurol yetkazib, "olov bilan o'ynayotganini" e'lon qilgan edi.

Rossiya federatsiyasi Prezidentining matbuot kotibi Dmitriy Peskov Ukrainani G'arbdan qurol bilan to'ldirish Rossiya-Ukraina muzokaralarining muvaffaqiyatiga hissa qo'shmasligini va salbiy ta'sir ko'rsatishini ta'kidlagan.

• AQSh
• Gumanitar yordam
• Oq uy
• Ukraina