AQSh qarzi mamlakat tarixida birinchi marta 31 trillion dollardan oshdi deyiladi xabarda.
4-oktyabrga kelib bu ko‘rsatkich 31,12 trillion dollarni tashkil etgan. Ulardan 6,82 trillion dollari AQShning hukumatlararo qarziga, yana 24,29 trillion dollar davlat qarziga tegishli deyiladi ma’lumotda.

Moliya vazirligining ma’lumotlar bazasida e’lon qilingan ma’lumotlarga ko‘ra, davlat qarzi miqdori 1993-yildan beri maksimal darajaga ko‘tarilgan. O‘shandan beri u doimiy ravishda o‘sib bormoqda.

Ta’kidlanishicha, davlat qarzining ushbu belgiga ko‘tarilishi AQSh prezidenti Jo Bayden uchun siyosiy muammolarni keltirib chiqarishi mumkin, u mamlakat byudjeti taqchilligini kamaytirish niyatida.

Shunday qilib, u joriy moliyaviy yil oxiriga kelib ushbu ko‘rsatkichni 1,5 trillion dollarga kamaytirishga va’da bergan. Shu bilan birga, mas’ul federal byudjet qo‘mitasining hisob-kitoblariga ko‘ra, Bayden prezidentligi boshlanganidan beri defitsit 5 trillion dollarga oshgan.

2021-yil dekabr oyida Bayden AQSh davlat qarzi limitini 2,5 trillion dollardan, 31,4 trillion dollarga oshirishni ma’qullagan. Ko‘rsatkich 2022-yil fevral oyining boshiga kelib 30 trillion dollarni tashkil etgan. Keyin NYT davlat qarzining ko‘payishi pandemiya oqibatlari bilan bog‘liqligini yozgan. Oq uy qarz mablag‘lari hisobidan ishsizlik nafaqalari, kichik biznesni moliyaviy qo‘llab-quvvatlash va rag‘batlantirish to‘lovlari uchun 5 trillion dollarlik xarajatlarni moliyalashtirgan deyiladi xabarda.

Shuningdek, sentyabr oyi oxirida AQShda inflyatsiya o'sishi fonida mamlakatning Federal rezerv tizimi (Fed) asosiy stavkani darhol 75 bazaviy punktga (BP) 3-3,25% gacha oshirdi. Yil oxirigacha stavka 4-4, 5% gacha ko'tarilishi kutilmoqda.

• AQSh
• Bayden