Salvador AQSh tomonidan deportatsiya qilinayotgan noqonuniy muhojirlarni, shuningdek, zo‘ravonlik jinoyatlari uchun sudlangan shaxslarni qabul qiladi va ularni mahalliy qamoqxonaga joylashtiradi.

Salvador prezidenti Nayib Bukele mamlakat Qo‘shma Shtatlarga o‘zining jazoni ijro etish muassasalari tizimining bir qismini foydalanish uchun taklif qilganini ma’lum qilgan.

Ma’lum bo‘lishicha, jinoyatchi va noqonuniy migrantlar Salvadordagi 40 000 kishilik yirik qamoqxonaga joylashtirilishi mumkin.

“Hech bir davlat bunday ishni qilmagan, lekin biz amerikalik xavfli jinoyatchilarni o‘z qamoqxonalarimizda joylashtirishni taklif qildik”, – deya izoh bergan Salvador prezidenti.

AQSh Davlat departamenti bayonotiga ko‘ra, hozirda noqonuniy migratsiya to‘lqinlariga qarshi kurashish bo‘yicha bir qator kelishuvlar imzolangan.

• AQSh
• Qamoqxona
• Salvador
• migrant