The Washington Post xabariga ko‘ra, Oq uy byudjet boshqarmasi xodimlari Grenlandiya sotib olingan taqdirda uni saqlashning potensial qiymatini, jumladan, uning 58 ming aholisi uchun davlat xizmatlarini ko‘rsatish xarajatlarini baholashga harakat qilmoqda.

Shuningdek, Qo‘shma Shtatlar ma’muriyati Grenlandiyaning tabiiy resurslaridan qancha daromad olish mumkinligini taxmin qilmoqda.

“Agar biz Grenlandiyani sotib olsak, Amerika uchun xarajatlar va foyda qanday bo‘lishi haqida munozara ketmoqda”, – deya izoh bergan Oq uy rasmiylaridan biri.

Uning so‘zlariga ko‘ra, xarajatlar tahlili “grenlandiyaliklarning  Qo‘shma Shtatlarga qo‘shilish uchun ovoz berishi va buni qo‘llab-quvvatlashi” ssenariysiga asoslanadi.

• AQSh
• Oq uy