Nyu-York shahri mezbonligida o‘tayotgan tennis bo‘yicha “Katta Dubulg‘a” turkumiga kiruvchi AQSh Ochiq chempionatining erkaklar o‘rtasidagi bahslarida finalchilar aniqlandi.

Dunyoning ikkinchi raketkasi Karlos Alkaras yarim finalda ATP reytingida yettinchi o‘rinni egallab turgan serbiyalik afsona Novak Jokovichga qarshi kortga chiqdi. Ikki soat-u 25 daqiqa davom etgan bahsda Karlos nomdor raqibini uch set natijasiga ko‘ra mag‘lubiyatga uchratdi - 6/4, 7/6(4), 6/2.

Ispaniyalik tennischi o‘zaro uchrashuvlarda hamon ortda qolmoqda, lekin tafovutni minimal darajaga tushira oldi - 4:5.

Shu tariqa, Karlos faoliyatida yettinchi bor “Katta Dubulg‘a” turnirlarining finaliga chiqdi. Ikkinchi bor esa US Open finalida bosh sovrin uchun o‘ynaydi. Ispaniyalik tennischi u uchun ushbu g‘alaba faoliyatidagi 60-g‘alabasini qo‘lga kiritdi. U so‘nggi 37 uchrashuvdan 36 tasida zafar quchdi.

Musobaqa finalida ATP reytingini boshqarayotgan italiyalik Yannik Sinner va Alkaras to‘qnash keladi. Final bahsi ertaga 7-sentyabr kuni bo‘lib o‘tadi.

• AQSh
• ATP
• Novak Jokovich
• Tennis