Tramp AQSh Qurolli kuchlariga Yamanda husiylarga qarshi “qat’iy va kuchli” harbiy harakatlarni boshlashni buyurdi. U husiylarni Qo‘shma Shtatlar va boshqa davlatlarning kemalari, samolyotlari hamda dronlariga qarshi “to‘xtovsiz qaroqchilik, zo‘ravonlik va terrorizm kampaniyasini” olib borishda ayblamoqda.

“Bizning jasur harbiylarimiz hozirda AQSh dengiz, havo va dengiz kuchlarini himoya qilish hamda dengizda harakatlanish erkinligini tiklash uchun husiylarning bazalari, yetakchilari va raketaga qarshi mudofaa vositalariga havo hujumlarini amalga oshirmoqda”, — deb yozdi Tramp Truth Social ijtimoiy tarmog‘idagi sahifasida.

Shuningdek, u Eronni husiylarni qo‘llab-quvvatlashni “darhol to‘xtatishga” chaqirib, bunga qandaydir aralashuv yuz bergan taqdirda, Tehronga nisbatan javob choralarini ko‘rishga va’da qilgan.

Husiylarga tegishli Al Masirah telekanali Yaman poytaxti Sana shahrida AQSh havo kuchlari tomonidan amalga oshirilgan zarbalar haqida xabar berdi. Mahalliy Sog‘liqni saqlash vazirligi ma’lumotlariga ko‘ra, zarbalar oqibatida kamida 19 kishi halok bo‘lgan va yana bir necha kishi jarohat olgan.

• AQSh
• Tramp
• Yaman