AQSh prezidenti Jo Bayden Suriyadagi ikkita obyektga zarba berishni buyurdi. Bunday qaror Amerika harbiylarining pozitsiyalariga qilingan bir qator hujumlarga javoban bo‘lgan. Bu haqda AQSh mudofaa vaziri Lloyd Ostin ma'lum qilmoqda.

Ostinning ta'kidlashicha, agar Eron tarafdorlari AQSh harbiylariga hujum qilishda davom etsa, AQSh "qo'shimcha zarur choralarni ko‘radi".

Uning so‘zlariga ko‘ra, AQSh havo kuchlarining Suriyadagi Eron obyektlariga qilgan zarbalari o‘zini himoya qilish bo‘lib bu Isroil va Falastinning XAMAS harakati o‘rtasidagi ziddiyat bilan bog'liq emas.

“Bugun prezident Baydenning buyrug‘i bilan AQSh harbiy kuchlari Suriyaning sharqidagi Eron Islom inqilobi qo‘riqchilari korpusi va unga aloqador guruhlar tomonidan foydalanilgan ikkita obyektga o‘z-o‘zini himoya qilish uchun zarba berdi” – degan bo‘lim boshlig‘i.

• AQSh
• Birinchi jahon urushi
• Eron
• Falastin
• Isroil