“Qo‘shma Shtatlar prezidenti Donald Tramp ma’muriyati Ukrainaga harbiy yordam yetkazib berishni to‘xtatish imkoniyatini ko‘rib chiqmoqda”, – deb xabar bermoqda The Washington Post.

Gazetaga ko‘ra, bu qaror kecha Oq uyda bo‘lib o‘tgan uchrashuv chog‘ida Tramp va vitse-prezident Vens hamda Ukraina prezidenti Volodimir Zelenskiy o‘rtasida yuz bergan bahsga javob bo‘lishi mumkin.

“AQShning Rossiya harbiy tajovuzidan himoyalanayotgan Ukrainaga qurol yetkazib berishni to‘xtatishi raketalar, o‘q-dorilar, radarlar va harbiy transport vositalariga taalluqli bo‘lishi mumkin”, — deya qo‘shimcha qilgan The Washington Post manbasi.

Shuningdek, gazeta manbasi Oq uyda Tramp va Zelenskiy o‘rtasida yuz bergan tortishuv “oldindan rejalashtirilgan” degan taxminlarni rad etgan.

• AQSh
• Harbiy
• Tramp
• Ukraina
• Zelenskiy