Qo‘shma Shtatlar Ukrainaga 625 million dollarlik yangi harbiy yordam paketini e’lon qildi.

Keltirilishicha, mazkur yordam paketi to‘rtta “HIMARS” raketa tizimini o‘z ichiga oladi.

Pentagon iyul oyidan beri birinchi marta Kiyevga oʻz raketa tizimlarini joʻnatadi va yetkazib berilgan “HIMARS”lar sonini 20 taga yetkazadi.

Shuningdek, AQSh yangi yordam paketi doirasida Ukraina qoʻshinlari uchun zarur boʻlgan oʻq-dorilar va jihozlarni ham berishi ko‘zda tutilgan.

Ta’kidlanishicha, Kiyevga yangi harbiy yordam paketi AQShning joriy moliya yilidagi birinchi yordam paketi bo‘ladi.

Ma’lumot uchun, o‘tgan hafta Qo‘shma Shtatlar Ukrainaga 18 ta HIMARS raketa tizimi va 150 ta “Humvee” zirhli transport vositalarini o‘z ichiga olgan 1,1 milliard dollarlik yangi harbiy yordam paket ajratganini e’lon qilgandi.

• AQSh
• Rossiya
• Ukraina
• Yevropa Ittifoqi