Bu haqda prezident Donald Trampning Yaqin Sharqdagi maxsus vakili bo‘lgan, keyinchalik Rossiya delegatsiyasi bilan muzokaralarga qo‘shilgan Stiv Uitkoff ma’lum qildi.

Uning so‘zlariga ko‘ra, AQShga Ukraina mineral resurslari, jumladan, noyob yer metallariga kirish imkonini beruvchi bitim “yaqin hafta ichida” imzolanadi. “Dastlab Zelenskiy bitim borasida ikkilanayotgan edi, ammo Trampning yo‘llagan xabari uning fikrini o‘zgartirdi”, – deya ta’kidlagan Uitkoff CNN efirida.

Shuningdek, 23-fevral kuni o‘tkazilgan matbuot anjumanida Zelenskiy Ukraina AQSh talab qilayotgan bir necha yuz milliard dollarlik qarzni tan olmasligini ma’lum qilgan edi. Ukraina rahbarining so‘zlariga ko‘ra, Qo‘shma Shtatlarning Kiyevga ko‘rsatgan yordami 100 mlrd dollardan oshmaydi va u kredit emas, balki grant shaklida berilgan.

“Men ukrainaliklarning o‘n avlodi to‘lashi kerak bo‘lgan hujjatga imzo chekmayman”, — degan Zelenskiy o‘z nutqida.

• AQSh
• Tramp
• Ukraina
• Zelenskiy
• shartnoma