AQSh va Xitoy o'rtasidagi ziddiyat tufayli Apple mahsulotlari qimmatlashishi mumkin. Bu haqda Bloomberg xabar berdi.

Agentlikning yozishicha, Xitoy Apple yetkazib berish zanjirining markazida, chunki Apple’ning ishlab chiqarish bo‘yicha hamkorlarining deyarli 80 foizi Xitoyda joylashgan.

“AQSh-Xitoy munosabatlari yomonlashar ekan, yangi ishlab chiqarish maydonchalari Apple qurilmalarini ishlab chiqarish usulini o‘zgartirmoqda”, – deb yozdi Bloomberg.

Global ta'minot zanjirining parchalanishi Apple'ning keng iste'mol bazasi uchun xarajatlarni oshirishga tahdid soladi va modellar "ishlab chiqarish qimmatroq bo'lishi mumkin".

Kompaniya o'z ishlab chiqarishining bir qismini Xitoydan Hindiston va Vyetnamga ko'chirishga harakat qildi, ammo u yerda ishlab chiqarish infratuzilmasi Xitoyga qaraganda kamroq rivojlangan.

• AQSh
• Apple
• Xitoy