AQSh prezidenti Donald Tramp ma’muriyati Pekin bilan muzokaralar chog‘ida Xitoy importiga 145 foizlik bojlarni 50-54 foizgacha kamaytirishni rejalashtirmoqda. Bu haqda The New York Post nashri xabar berdi.

Vashington kelasi haftadan boshlab Xitoyga bojlarni yumshatishi kutilmoqda. Vashington, shuningdek, Janubiy Osiyo davlatlari uchun bojlarni 25 foizgacha kamaytirish niyatida.

Eslatib o‘tamiz, joriy yilning aprel oyi oxirida Tramp Xitoy tovarlariga nisbatan joriy qilgan bojlar juda yuqori ekanligini ma’lum qilgan edi.

“Bojlar sezilarli darajada kamayadi, lekin ular nolga tushmaydi”, - deya izoh berdi Amerika prezidenti.

Oq uy rahbari natijaga erishish uchun Xitoy bilan savdo to‘lovlari bo‘yicha do‘stona muzokaralar olib borish niyatida ekanini qo‘shimcha qildi.

• AQSh
• Xitoy