Oq uy rahbariyati Kongressning Shinjon-Uyg‘ur avtonom rayonidan keluvchi import mahsulotlarini cheklash bo‘yicha taklifini qo‘llab-quvvatladi. Bu haqda Oq uy matbuot kotibi Jen Psaki ma’lum qildi.

 Bundan tashqari, qonun loyihasi Xitoyning ushbu hududida "inson huquqlari poymoli"da aybdor bo‘lganlarga qarshi sanksiyalar qo‘llashni ham o‘zida aks ettirgan.

Jen Psakining so‘zlariga ko‘ra, qonun loyihasi Shinjon-Uyg‘ur avtonom rayonida uyg‘urlar mehnati bilan ishlab chiqarilgan mahsulotlarning mamlakatga kirib kelishiga cheklovlar qo‘yish, bundan tashqari Amerika tomonidan Xitoyning ushbu regionida "inson huquqlari poymoli"da ayblanayotgan jismoniy shaxslar va idoralarga nisbatan sanksiyalar qo‘llashni nazarda tutadi. AQSh Kongressining Vakillar palatasi o‘tgan hafta ushbu qonun loyihasini tasdiqdan o‘tkazgandi.

Xitoyning Gʻarb mamlakatlari bilan munosabatlarining keskinlashuviga asosiy sabab, mamlakatda milliy kamchilik huquqlarining poymol etilishi hisoblanadi. Gʻarb davlatlarining qayd etishiga ko‘ra, Xitoy taxminan 1 mln ga yaqin uyg‘ur saqlanuvchi axloq tuzatish lagerlari tizimini yaratgan va u yerda saqlanuvchi fuqarolar qo‘li bilan ayrim mahsulotlar chiqariladi. Biroq Xitoy tomoni bu ayblarni rad etib kelmoqda.

• AQSh
• Siyosat
• Xitoy