“Qirg‘iziston Prezidenti Sadir Japarov Xitoy-Qirg‘iziston-O‘zbekiston temir yo‘li qurilishi shu yilning oktyabr oyida boshlanishini ma’lum qildi”, – deb yozadi “Azattik” radiosi.

“Temir yo‘l qurilganda, biz dunyoga chiqishimiz mumkin. Bu bizning yo‘limiz bo‘ladi”, – degan Japarov.

Mart oyida Japarov quruvchilar loyihani amalga oshirish mexanizmi to‘g‘risida umumiy tushunchaga erishganini aytgan edi.

Hukumat rejasiga ko‘ra, Qirg‘iziston hududidagi temir yo‘lning uzunligi 311 km.ni tashkil qiladi, qurilishning taxminiy qiymati 4,7 milliard dollarni tashkil etadi.

Qirg‘iziston temir yo‘ldan birinchi navbatda Xitoydan yaqin Sharq mamlakatlariga tranzit uchun foydalanishni kutmoqda.

• Qirg‘iziston
• Temir yo'l