Xitoy Britaniya Mudofaa vazirligi harbiy xizmatchilari va xodimlarining shaxsiy ma’lumotlari bilan bazani buzishda aloqasi yo‘qligini aytdi. Avvalroq, Sky News va BBC telekompaniyasi xakerlik haqida ma’lumot bergan edi.

Hujum ortida kim turgani hozircha noma’lum, biroq Sky News avvalroq hukumatdagi manbalarga tayanib, xitoylik xakerlarning ishtiroki haqida yozgan edi.

Xitoyning Londondagi elchixonasi vakili xakerlik bilan bog‘liq ayblovlar “butunlay uydirma va zararli tuhmat” ekanligini aytgan.

Shuningdek, u Buyuk Britaniyani “kiberxavfsizlikni siyosiylashtirishda” ayblab, Xitoyning voqeaga aloqadorligi to‘g‘risida dalillar yo‘qligini ta’kidlagan.

Britaniya bosh vaziri Rishi Sunak xakerlik haqidagi ma’lumotlarga izoh berar ekan, Xitoyning bunga bevosita aloqadorligi haqida gapirmagan, ammo Pekin o‘zini “chet elda avtoritar va qat'iyatli” tutishini ta'kidlagan.

• Buyuk Britaniya
• Mudofaa
• Rishi Sunak
• Xitoy
• xaker