AQShning Michigan shtati Oksford shahridagi o‘rta maktabda sodir bo‘lgan otishma natijasida uch odam qurbon bo‘lgan, 8 kishi yaralangan. Bu haqda okrug sherifi o‘rinbosari Oklend Maykl Makkeyb xabar qilgan.

Uning so‘zlariga ko‘ra, qurbonlar shu maktabning o‘quvchilari bo‘lgan. Yaralanganlardan biri maktab o‘qituvchisi.

Makkeybning aytishicha, otishmani sodir etgan shaxs maktabning 15 yashar o‘quvchisi. Jinoyat joyida yarimavtomat pistolet ham topilgan. "Ayblanuvchi bir necha bor o‘q uzgan, qurbonlar bor. Hibsga olish paytida u ortiqcha qarshilik qilmadi" – deya xabar beradi sherif o‘rinbosari.

Oq uy matbuot kotibi Jen Psakining xabar berishicha, prezident Jo Bayden bo‘lib o‘tgan voqeadan xabardor. Keyinroq AQSh prezidenti maktabda sodir etilgan otishma tavsilotlari o‘rganilayotganini ma’lum qilgan.

• AQSh
• Maktab
• Otishma
• fojea